انا هنا رح احكيلك عن افضل بزنس للمبتدئين بـ صفر دولار ممكن تبدأ فيه هذه السنة وهو التجارة الالكترونية بس في مجال بيع المنتجات الرقمية

وهذا البزنس ممكن تبدأ فيه

  • بدون راس مال : مثل كتاب الكتروني , قالب جاهز أو دورة تعليمية
  • مع راس مال : فيك تستثمر فيه لتعمل شي احترافي مثل توظيف شخص يساعدك فيه و تسوق له باعلانات مدفوعة …

يعني انا هون ما رح احكيلك بيع منتجات ملموسة و اعمل دروب شيبيغ و وجع راس المنتجات الملموسة

  • طلع كبير
  • غير لون
  • فيه مشاكل
  • رجعلي ياه
  • تكاليف الشحن
  • وغيره …

 

لتبدأ انت في هذا المجال وتنجح فيه لازم تعمل هذه الخطوات الاربعة !

  1. تحليل السوق واختيار المنتج الرقمي الصح
  2. كيفية عمل المنتج الرقمي !
  3. اختيار منصة لبيع المنتج الرقمي
  4. الترويج والتسويق المنتج الرقمي

 

طيب قبل ما نبدأ فيهم , انا رح قلك بشي ممكن انت تعمله كـ منتج رقمي !

بتعمل كتاب الكتروني او دورة تعليمية !

كل واحد فينا بيعرف يعمل شغلة غيره ما بيعرف يعملها !

كرمال هيك دور بحالك وشوف هل الشغلة لي انت شاطر فيها واعملها كتاب الكتروني أو دورة تعليمة !

ما عندك شي , سهلة بدي ياك تتعلم شغلة وتعلمها !

 

تحليل السوق واختيار المنتج الرقمي الصح

قبل ما تبدأ هذه الخطوة كتير مهمة , لازم تعمل تحليل للسوق وتعرف

  • جمهورك المستهدف
  • المنافسة
  • هل المنتج لي رح تبيعه انت مطلوب هل يوجد عليه بحث أو لاء

 

فيك انت تستخدم ادوات لتعرف هذه الاشياء , بمجرد تعطيها الكلمة لي حابب تعمل عليها منتجك الرقمي

مادام كتير ادوات مدفوعة وغالين لتعرف هيك شغلات مثل Ahrefs و semrush و Ubersuggest انا ما رح احكيلك عنهم هلا بهل الفيديو

بس ادوات مجانية بدائل ممكن تستعملها

  • seo.webmoud.com : هذه اداة مجانية وما رح تعطيك نتائج الاداة المدفوعة بس ممكن تكفي بالغرض كـ مبتدأ
  • trends.google.com : هذه اداة مجانية من جوجل كمان ممكن تبجث من خلالها
  • Google Keyword Planner : هذه كمان اداة من جوجل ورح تعطيك نتائج حلوة بس لازم يكون عندك حساب على اعلانات جوجل

مثال بدنا نشوف كلمة (( يوغا )) ونعمل كتاب الكتروني أو كورس عن اليوغا , بعد ما شفت الكلمات المفتاحية , هلا انا فيني اعمل اجمع الكلمات المهمة لي كرمال عنوان الكورس

وما تنسى كمان شات جي بي تي كرمال تبدأ تعمل محتوى للكتاب أو الكورس !

كيفية عمل كتابك الالكتروني !

لتعمل انت كتاب الكتروني فيك تستخدم الكانفا , وتفتح حساب مجاني فيه وتختار تصميم مستند وتبدأ تكتب فيه وبعدها تصدره الى PDF

لو بدك تعمل كورس , ممكن انت تصوره ولو حتى في موبيلك وبعدين تعمل عليه تحرير أو مونتاج سريع للفيديو , وحاليا موجود برنامج capcut لي فيك تعمل عليه مونتاج لـ فيديوهات بشكل حلو !

 

اختيار منصة لبيع كتابك الالكتروني أو الدورة التعليمية

في كتير منصات في السوق لحتى تبيع عليه كتابك أو الدورة الخاصة فيك ! وفي منها بياخدوا نسبة و اشتراك مدفوع وغالي كتير شهرياً مثل

  • teachable
  • وحالياً في منصة جديدة اسمها skool
  • انا حبيت بصراحة سيستم سكول – بس كمان غالية شهرياً

 

بس ما رح احكي فيهم واتعمق فيهم للمنصات هذول , بس لو حابب اني احكي عليهم , اكتبلي بالتعليقات كرمال احكي عنهم المرة القادمة

وفي عندك كمان منصات مجانية فيك تنزل عليها مباشرة كتابك الالكتروني أو الدورة التعليمية مثل :

  • نت مود : المنصة العربية لبيع الكتب الالكترونية و المنتجات الرقمية , وفيها نظام كتير سهل ومجاني لتفتح انت متجر الكتروني خاص فيك وتبدأ تبيع مباشرة
  • ايتسي : منصة عالمية فيك تبيع فيها منتجات يدوية ومنتجات رقمية – بس مشكلة ايتسي انه في كتير دول ما بيقبل للمقيمين فيها يفتحوا متجر ويبيعوا
  • يوديمي : منصة مختصة في بيع الدورات , بس فيه مشكلة انه نسبتها – تقريباً ٦٣ ٪ , يعني اذا كورس تبعك حقوا ١٠ انت رح تاخد ٣.٧ دولار من سعر كورسك !

 

 

الترويج والتسويق لكتابك الالكتروني أو للدورة التعليمية

متل ما قلتلك بالبداية , لو عندك انت راس مال , ممكن تسوق له بالاعلانات الممولة أو ممكن تشوف صفحة أو حساب عندهم متابعين مهتمين في كتابك أو الكورس

بس انا بهل الفيديو ما رح احكي عن التسويق المدفوع لانه ما دائم عندك !

كرمال هيك لازم انت تهتم أول شغلة بالسيو تبع المنتج الرقمي تبعك في عنوانه و الوصف متل ما شفت وقت في ادوات السيو

وتاني شي لازم تبني عندك جمهور على السوشيال ميديا أو ممكن تجمع البريد الالكتروني تبعهم أو ممكن تفتح قناة على التلغرام وتجمعهم فيه

 

 

خاتمة

وهيك بكون قلتلك كيف ممكن تبدأ من الصفر في التجارة الالكترونية في بيع المنتجات الرقمية وتبدأ فيها هل السنة لتكون خير عليك

حابب تعرف عن شي اكتر من لي حكيت فيه ؟

اكتبلي ياه في التعليقات ممكن اعمل عليه فيديو بشكل مفصل !