الطريقة الوحيدة لتحقيق أهدافك زيادة الانتاجية والنجاح ؟ ادخل زمن الرفض

زيادة الانتاج يعني زيادة المصاري عندك !

إذا كنت تعاني من ضعف الإنتاجية وما عم تحقق اهدافك بس حابب تنجح , حان الوقت لتبدأ ( زمن الرفض ) و وقت تبدأ تقول لا !

وارن بافيت قال :
الفرق بين الأشخاص الناجحين والأشخاص الناجحين جدًا، هو أن الناجحين جدًا يقولون "لا" لكل شيء تقريبًا.

مريت بواحدة من أصعب وأهم الفترات بحياتي، وصلت لمرحلة حسيت فيها إني محتاج أوقف كل شيء علشان أقدر أركز.
سميتها ( زمن الرفض )

زمن الرفض مش للأبد… بس ضروري تبدأ فيه كل فتره وفتره !

كنت ضايع بين السوشيال ميديا، والطلعات، والمشتتات اللي كل يوم تاكل من وقتي بدون ما أحس

فجأة صحيت… وشفت إنه إذا بدي أبني “ويب مود” و”نت مود” فعليًا، لازم أكون جدي.

فـ بدأت أقول “لا”:

• قلت لا لطلعات ما إلها داعي.
• نزلت تطبيق يمنعني من استخدام السوشيال ميديا خلال ساعات الشغل.
• لا للمناسبات الاجتماعية !
• وحطيت كل تركيزي على شغلي، على حلمي.

ما كانت سهلة.
بس كنت عارف إني لو ضيعت هالفرصة، يمكن ما ترجع

“زمن الرفض” خلاني أستعيد وقتي، تركيزي، وحماسي.
ولما ركزت على الشي اللي فعلاً يهم…
كل شيء بدأ يتحرك وصرت الاحظ فعلياً التحسن !

فكرتي الأساسية

لو ركزت على الهدف الكبير لمدة 3 إلى 5 سنوات، سيفتح ذلك كل الأبواب.
لكن إذا سمحت للمشتتات البسيطة أن تأخذني بعيدًا، قد لا يبقى أي باب مفتوح

مثلاً

• رح ضل مع رفقاتي وشي يوم يخذلوني لاني فاشل !
• اتراجع الى الفقر وابتعد عن النجاح !

تمرين وارن بافيت للأهداف:

1. اكتب أهم 25 هدف عندك
2. حدد أهم 5
3. تخلَّ تماماً عن البقية

ركز كل طاقتك على أهم هدف من الخمسة

وهذه من خبرتي وتجربتي !

مادام عندي ٥ اهداف وانا مبتدأ , جديد , ما عندي انتاجية

انت خود هدف واحد منهم واشتغل عليه و ركز عليه !

والـ ٤ اهداف الباقة اشتغل عليهم لمستوى انك ما ترجع فيها للوراء ( تنزل تحت الصفر فيهم )

بس هذا الهدف صار تمام وحققت النجاح فيه , ابدأ في الثاني وهكذا ليصير تركيزك على ٥ هداف فقط في ايام حياتك

.

مثل لاعب كمال أجسام لا يستطيع تقوية كل عضلة في وقت واحد

ستيف جوبز قال :

لتركيز لا يعني قول نعم لشيء واحد، بل قول لا لألف فكرة جيدة

الفرص الجيدة قد تكون فخ

مرة واحد من عملائي على ويب مود عرض علي شراكة في العقارات ، قاللي:

اعمللي التسويق وأنا بعطيك حصة بالشركة معي !

سمعت الكلام… تحمست… بس بعدين شفت حالي عم أبعد عن شغلي الأساسي في ويب مود ولي هوي اساعد الاعمال بالتسويق لأعمالها !

اتذكرت إن كل “نعم” صغيرة عم تبعدني من حلمي الكبير !

وبالنسبة لأي مستثمر ؟ هاد بيبين إنك رائد أعمال مشتت… مش منضبط

تلقي العروض

وحتى انت مع الوقت، ستتلقى فرصًا مغرية

• عميل يريدك شريك
• مشروع جانبي شكلو مربح !

تذكر ما فيك تركز على اكثر من مشروع في ذات الوقت لتحقق النجاح فيه لي انت عم تحلم فيه

ومتل ما بقول في مثل عربي : إنو ما فيك تحمل بطيختين بإيد وحدة، وإذا جربت، بتوقع منك وحدة… ويمكن يوقعوا الاثنين كمان !

قل لا للمهام اللي تحت مستواك

بأحد الفترات وأنا عم اشتغل على ويب مود ، كنت عم أعمل كل شي بإيدي.

مثل : تصميم المواقع و صفحات الهبوط , كانت صفحة هبوط تاخد معي نص يوم وأوقات يوم ويومين حسب دقتها والتفاصيل لي فيها !

وتصمم صور السوشيال ميديا و اكتب مقالات للشركات وغيره …

حرفيًا كنت أقضي ساعات طويلة على مهام ممكن أي فريلانسر يساعدني فيها و يخلصها

كنت أقنع حالي إني عم بوفر

بس الحقيقة؟ كنت عم بخسر فرص نمو حقيقية.

لأن كل ساعة قضيتها بمهام بسيطة، كانت على حساب استراتيجيات تسويق، تطوير الشركة، أو حتى البحث عن عملاء جدد.

كرمال هيك : انت لازم تقول لا للمهام لي تحت مستواك ! وتعطيها لناسها , وانت تركز على المهم لنجاحك

اصنع بيئة تجبرك على التركيز

الكوميديان العالمي جيري ساينفيلد ( Jerry Seinfeld ) قال إنه لا يجبر نفسه على الكتابة
لكن في وقت الكتابة، لا يُسمح له أن يفعل أي شيء آخر.

شو يعني :

كان يحجز وقت معين كل يوم للكتابة النكت . وإذا ما كتب ؟ عادي

بس ما كان مسموحله يعمل أي شي تاني بهي بهذا الوقت . لا سوشيال ميديا، لا تلفزيون، لا مهام جانبية.

يا بيكتب والتزم بالكتابة وبس … يا ما يكتب من الاساس ، بس ممنوع يشتت حاله.

بهالطريقة، عقلو كان يمل… ولما يمل، يكتب.

وهيك خلق مئات النكت، وبنى واحد من أنجح المسلسلات الكوميدية بالتاريخ.

بالنهاية

إذا حاسس إنك طول اليوم مشغول بس ما في شي فعلي عم يتقدّم…

فاعرف إن الفرق بينك وبين الناس اللي سبقوك هو إنهم :

• كانوا يقولوا “لا” أكتر منك
• ركّزوا على شغلة وحدة مهمة بدل ما يشتتوا حالهم
• ضحّوا بأشياء مؤقتة عشان يوصلوا لنجاح طويل المدى

ابدأ من اليوم… وادخل بـ زمن الرفض
تعلم تقول لغيرك ولحالك لا لكل شي يبعدك عن نجاحك !
وخلّي تركيزك يصنع منك نسخة أقوى